lagu Baras Kuning

Cipt. Rasni/Dino

'Yu Ka', bulik pang satumat,
bulik pang satumat
Lawasnya ulun mahadang,
pian maninggalakan kampung halaman,
kapapurunnan

Yu ka, bulik pang damini, bulik pang damini
Ulun basakit hati,
pian nang ulun tangisi,
kada sakira diri ulun marista,

Pian datang, ulun sambut lawan mayang
Ulun hamburi baras, si Baras Kuning
Kur sumangat, di muhara lawang

Bamalaman Manjatu Manggis

Cipt. Hamiedan AC

Bamalaman manjatu manggis
Manggis kubuat ka dalam lanjung
Yalalan yalan yalen
Yalalan yalan yalen

Bamalaman aku manangis
Tangis kubuat ka dalam jantung
Yalalan yalan yalen
Yalalan yalan yalen

( * )
Malam manjatu manggis
Siang mambalah paring
Malam aku manangis
Siang tabawa garing

Bamalaman manjatu manggis
Lanjungku kipit kahada muat
Bamalaman aku manangis
Jantungku sakit kahada kuat

Bamalaman manjatu manggis
Buahnya mangkal masak tahambur
Yalalan yalan yalen
Yalalan yalan yalen

Bamalaman aku manangis
Bantal mambaal mataku bangkur
Yalalan yalan yalen
Yalalan yalan yalen

lagu Badindang ligun

Cipt. Hamiedan AC

Nyaman nyamannya, mamakanlah karak
Mamakan karak, nyaman jua di pipiringan
Nyaman nyamannya, larangan parak
Larangan parak, nyaman jua batitiringan

( * )
Badindang dindang ligun
Badindang, badindang ligun
Yalalan yalan yalan
Yalan yalan yalan yalan

(ulang *)

Burung katutut di hujunglah paring
Turiang jua batang manggis banyak kulatnya
Sudah takajut salajurlah garing
Nang hirang jua, hirang manis jadi ubatnya

(Musik)

Turiang jua, batang manggis banyak kulatnya
Nang hirang jua, hirang manis jadi ubatnya

(kembali ke *)

Gajah manyubarang ai, lautan Jawa
Badan tinggalam, ngalih jua timbul gadingnya
Dinda saurang ai, timbangan nyawa
Saputar alam, ngalih jua babandingannya

sapu tangan babuncu ampat

Penyanyi : Baturai Njanji
Pencipta : A. Zaini

Sapu tangan babuncu ampat
Sabuncunya dimakan api, dimakan api
Sapu tangan babuncu ampat
Sabuncunya dimakan api, dimakan api
Luka nang di tangan kawa dibabat
Luka nang di hati hancur sakali

Tabang bamban jangan di parit
Nang di parit buang ka sumur, buang ka sumur
Tabang bamban jangan di parit
Nang di parit buang ka sumur, buang ka sumur
Hati nang dandam jangan diharit
Lamun diharit mambawa umur

lagu DANDING

Penyanyi : A. Sultan
Pencipta : A. Sultan

Burung putih tarbang ka jambu, tarbang ka jambu
Imbah ka jambu ka awan pulang, adingai ... ka awan pulang
Budanding danding, ka awan pulang

Awak putih bawa babaju, bawa babaju
Imbah babaju kakamban pulang, adingai ... kakamban pulang
Budanding danding, kakamban pulang

Tanah liat tanah lambiding, tanah lambiding
Ku andaki daun sulada, adingai ... daun sulada
Budanding danding, daun sulada

Manguliat simangulading, simangulading
Manampaiakan kalung di dada, adingai ... kalung di dada
Budanding danding, kalung di dada

lagu Halin

Halin
Cipt. H. Anang Ardiansyah

Banaik pinang, si bungas langkar, banaik pinang
Batis bakait, jangan dibasuh
di banyu karuh 2x

Lamun taganang, si bungas langkar, lamun taganang
Wayah ba'ulit, banyunya mata, kahada taduh

Reff :
Basaksi marangkai janji
badapat batamu sudah batali
umai padihnya, kada badaya badanku

Basaksi marangakai janji
badapat batamu sudah batali
tinggal basarah, lawan Nang Kuasa
Illahi......Robbi

Daun bingkudu, si bungas langkar, daun bingkudu
kambnglah rampai, jangan diikat
di buncu kain 2x

halinlah juduh, si bungas langkar, halinlah juduh
baluman sampai taniat hati
kada ka lain 2x

lagu Anak Pipit

Anak Pipit
Cipt. Hamiedan AC

Anak pipit
Gugur matan di sarang
Ka tanah di sala rapun sarai

Umai umai
Kada pang sampai hati
Malihat anak pipit kan cilaka

( * )
Kasihani anak pipit
Ambili anak pipit
Jangan biarkan anak pipit
Dalam sengsara

Kasihani anak pipit
Ambili anak pipit
Jangan biarkan anak pipit
Dalam sengsara